بومەلەرزەیەكی بەگوڕى 6.6 پلە ناوچەیەكی توركیا دەهەژێنێت

  • 30-10-2020, 00:00
  • +A -A

    ئیسته‌نبول-اه‌ع

     
    پاشنیوەڕۆی ئەمڕۆ، بومەلەرزەیەكی بەهێز سنورە ئاوییەكانی شاری ئیزمیری توركیای هەژاند.
    پاشنیوەڕۆی ئەمڕۆ بومەلەرزەیەكی بەهێز سنورە ئاوییەكانی شاری ئیزمیری توركیای هەژاند و بەو هۆیەشەوە زیاتر لە 20 بیناو باڵەخانە لە ئیزمیر داڕمان.
    پارێزگاری ئیزمیر لەبارەی زیانەكانەوە رایگەیاند، هێشتا هیچ زانیارییەکمان پێنەگەیشتوە لەبارەی زیانی گیانی و ماددیەكانەوە، دەچینە ناوەندی ئیزمیر بۆ ئەو شوێنەی بینا و باڵەخانەكانی لێ روخاون زانیارییەكان هەر چییەك بێت بڵاویدەكەینەوە.
    بەگوێرەی ناوەندە جیۆلۆجییەكانی توركیا، گوڕی بومەلەرزەكە 6.6 پلە بوە بە پێوەری رێختەر و هێندە بەهێز بوە لە ئیستانبوڵ و چەند پارێزگایەكی دیكەی توركیا هەستیپێكراوە.