كازمى جه‌ختده‌كاته‌وه له‌گرنگى پاراستنى ئاشتیانه‌ى خۆپیشاندانه‌كان
ناوخۆ
- 25-10-2020, 00:00
به‌غدا-اه‌ع
مستەفا كازمى سەرۆك وەزیران فه‌رمانده‌ى گشتى هێزه چه‌كداره‌كان،ئه‌مڕۆ یه‌كشه‌ممه، فەرماندەیى ئۆپراسیۆنه‌كانى بەغدا و ئۆپراسیۆنه هاوبەشەكانى بەسەركردەوە و جەختیكردەوە، ئەركى هێزە ئەمنییەكان پاراستنى خۆپیشاندەران و مافەكانیانە لە دەربڕینى بۆچونەكانیان.
نوسینگەى مستەفا كازمى فەرماندەى گشتى هێزە چەكدارەكان لە بەیاننامەیەكدا كه وێنه‌یه‌كى ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:"سەرۆك وەزیران و فەرماندەى گشتى هێزە چەكدارەكان سەردانى بارەگاى فەرماندەیى ئۆپراسیۆنه هاوبەشەكان و ئۆپراسیۆنى بەغدا و پۆلیسى فیدراڵى كردوە".
ڕونیشكراوەتەوە، سەردانەكە بۆ دڵنیابونەوە لە ئەداى هێزە ئەمنیەكان بووە لە پاراستنى خۆپیشاندەران و خۆپیشاندانەكانى ئه‌مڕۆ و جەختى لەسەر ڕێنماییەكانى پێشوى كردوەتەوە لەسەر هەڵوێستى پیشەییانە و پابەندبون بە ئەركە دیاركراوەكانەوە.
وتیشى، ئەركى یەكەمى هێزە ئەمنیەكان پاراستنى خۆپیشاندەران و مافەكانیانە لە ئازادى ڕادەربڕین و لەهەمان كاتدا گرنگى پاراستنى ئاشتى خۆپیشاندانەكان و پاراستنى هێزە ئەمنیەكان كە سەرقاڵى ئەركەكانیانن.
كازمى لە سەردانەكەیدا بەدواداچونى بۆ ڕێوشوێنەكانى هێزە ئەمنیەكان بۆ پاراستنى سەلامەتى خۆپیشاندانەكان و خۆپیشاندەران كردووە، ئەوەش سەرەڕاى پارستنى موڵك و ماڵى گشتى و تایبەتى.
