وەزارەتی ناوخۆ:ھەوڵی تەواوکردنی پرۆژەکانی سیستەمی کامێرەکان دەدەین

 

بەغدا_اەع

 

وەزارەتی ناوخۆی ئەمڕۆ سێشەممە ڕایگەیاند، لەڕێگەی سیستمی چاودێریکردنی کامێراکانەوە توانیویانە بەشێکی زۆر لەتاوان و ڕووداوەکان ئاشکرا بکەن، بۆیە لەئێستادا ئەوان بە گرنگییەوە دەڕواننە بەرەوپێشبردنی ئەو بوارە.  

  

لیوا خالد محەنا وتەبێژی وەزارەتی ناوخۆ لە لێدوانێکی بۆ ئاژانسی هەواڵی عێراقی(اەع) رایگەیـاند:"وەزارەتی ناوخۆ بەردەوام دەبێت بەگرنگیدان بەتەواوکردنی پڕۆژەکانی سیستمی چاودێری لەڕێگەی کامێراکانەوە لە هەموو ناوچەکانی عێراق".  

  

ئاماژە بەوەشکراوە، " لەڕێگەی سیستمی چاودێریکردنی کامێراکانەوە توانیومانە بەشێکی زۆر لەتاوان و ڕووداوەکان ئاشکرا بکەین، بۆیە لە ئێستادا بە گرنگییەوە دەڕوانینە بەرەوپێشبردنی ئەو بوارە، چونکە ئەگەرئەو سیستمە نەبوایە پێدەچووە ڕێژەیەکی زۆرلە تاوانەکان بەنادیاری وتەمومژاوی دژ بە کەسانی نادیار تۆمار بکرێت".    

  

 ئەوەشخراوەتە ڕوو، " لێکۆڵەرەکان توانیویانە لەڕێگەی ئەو کامێرانەوە  بەوردی سەرەداوی  تاوانەکانیان دەست بکەوێت و شوێنی حەشاردانی تاوانبارەکانیش بە ئاسانی بدۆزنەوە".