كازمى لەسەلاحەدینەوە: ڕێگە نادەین تیرۆر لە ژێر هیچ ناوێکی تر جارێکی تر بگەڕێنەوە

بەغدا_اەع

 

لەدوای گەیشتنی بە پارێزگای سەڵاحەدین، مسته‌فا كازمی، فه‌رمانده‌ی گشتی هێزه‌ چه‌كداره‌كان  سەردانی ئەو گوندەى قەزای بەلەدی کرد کە دوێنێ هەشت گەنجی تیدا کوژرا و ڕایگەیاند، دەوڵەت هەیە و دەتانپارێزێت.  

  

  

نوسینگەی ڕاگەیاندنی سه‌رۆك وه‌زیرانی لە راگەیاندراوێکدا کە دەستی ئاژانسی هەواڵی عێراقی (اەع) کەوتووە ئەمڕۆ  یەکشەممە، رایگەیاند:"مسته‌فا كازمی به ‌یاوه‌ری هه‌ریه‌ك له‌ وه‌زیرانی ناوخۆ و به‌رگری، هه‌روه‌ها سه‌رۆكی ده‌سته‌ی حه‌شدی شه‌عبی و فه‌رمانده‌ باڵا ئەمنییەکان گه‌یشتوه‌ته‌ پارێزگای سه‌ڵاحه‌دین".  

  

هەر لەساتی گەیشتنی بە پارێزگای سەڵاحەدین، ڕاستەوخۆ سەرۆکوەزیران کۆبوونەوەیەکی بەرفراوانی بە فەرماندەی هێزە ئەمنییەکانی پارێزگاکە کرد.  

 

کازمی کەسوکاری قوربانییەکانی بەسەرکردەوە و ڕایگەیاند، "بۆیە هاتووم بۆلاتان بۆ ئەوەی کە دووپاتی بکەمەوە دەوڵەت هەیە و پارێزگاریتان لێدەکات، بەتاییەتی دوای ئەنجامدانی ئەو تاوانە قێزەونەی کەبوو بە هۆکاری شەهیدکردنی ژماریەک هاوڵاتی بێتاوان".  

 

کازمی ئەوەشی وتووە: "پەیاممان بۆ ئێوە ئەوەیە کە دەوڵەت دەتانپارێزێت، هزر و بیری هێزە ئەمنییەکان تەنها گیرۆدەی خۆشەویستی نیشتیمان و یاسایە ، بەهیچ شێوەیەک گیرۆدەی کەس ولایەنی دیکە نییە".  

 

ئاماژەی بەوەشکردووە، "تیرۆریزم و تاوانباران تەنها یاسا وسزادانیان چاوەڕێیان دەکات، ڕێگە نادەین لە ژێر هیچ ناوێکی تر جارێکی تر بگەڕێنەوە".