وەزیرى دارایی و پارێزگارى بانکى ناوەندى جەختیانکردەوە لەسەر هەماهەنگى نێوانیان
ناوخۆ
- 5-10-2020, 00:00
به‌غدا-اه‌ع
وەزیرى دارایی و پارێزگارى بانکى ناوەندى ،ئه‌مڕۆ دوشه‌ممه،كۆبونه‌وه‌و جەختیانکردەوە لەسەر هەماهەنگى نێوانیان بۆ تێپەڕاندنى قەیرانى دارایی.
نوسینگه‌ى ڕاگەیاندنى بانکى ناوەندى لە بەیاننامەیەکدا كه ده‌ستى ئاژانسى هه‌واڵى عێراقى(اه‌ع) كه‌وتووه رایگەیاند:" مستەفا غالب موخیف پارێزگارى بانکى ناوەندى پێشوازى لە عەلى عەلاوى وەزیرى دارایی کردووە و پێکەوە کۆبوونەتەوە.
ئاماژە بەوەشکراوە، لەکۆبوونەوەکەدا تاوتوێی کاریگەرییەکانى قەیرانى دارایی کراوە کە بەهۆى دابەزینى نرخى نەوتەوە دروستبووە، هەردولا جەختیانکردووەتەوە لەسەر گرنگى هەماهەنگى نێوانیان بۆ تێپەڕاندنى قەیرانەکە کە لێکەوتەى ئیجابی بۆسەر سەقامگیریی و گەشەى ئابورى عێراق هەبێت.
