حه‌لبوسى و باڵیۆزى ئه‌مریكا جه‌ختیان له‌پاراستنی ئاسایشی نێردە دیبلۆماتیەكان

الأحد 27 أيلول 2020 - 20:44

حه‌لبوسى و باڵیۆزى ئه‌مریكا جه‌ختیان له‌پاراستنی ئاسایشی نێردە دیبلۆماتیەكان

 به‌غدا-اه‌ع

 
محەمەد حەلبوسی سەرۆكی ئەنجومەنی نوێنەران، ئەمرۆ یەكشەممە، پێشوازی كرد لە ماسیۆ تۆلەر باڵیۆزی ئەمریكا لە عێراق.
نوسینگه‌ى راگه‌یاندنى سه‌رۆكى ئه‌نجومه‌نى نوینه‌ران له‌ راگه‌یاندراوێكدا كه‌ ده‌ستى ئاژانسى هه‌واڵى عێراقى(اه‌ع)كه‌وتووه‌ رایگه‌یاند:"لەدیدارەكەدا حه‌لبوسى و تۆله‌ر گفتوگۆیان سەبارەت بە پەیوەندی دۆستانەی نێوان هەردوو وڵات و دوا پێشهاتەكانی سەر گۆڕەپانی عێراق و نێودەوڵەتی كردووه‌".
جه‌ختكرایەوە "لەسەر پاراستنی ئاسایشی نێردە دیبلۆماتیەكان لە دوبارەبوونەوەی بە ئامانج گرتنیان، و كاركردن بۆ سەپاندنی دەسەڵاتی دەوڵەت و یاسا و بەدیهێنانی سەقامگیری".
لای خۆیەوە باڵیۆزی ئەمریكا پشتیوانی وڵاتەكەی نیشاندا بۆ حكومەت و گەلی عێراق لە بەرەنگاربوونەوەی قەیرانەكان و تەئكیدی كردەوە لەسەر بەردەوامبوونی هاریكاری نێوان هەردوو وڵاتی دۆست بەپێی بەرژەوەندییەكانی هەردوولا.