وەزیری داد: لە قۆناغی داهاتوو کۆمەڵگەی دادوەری دەکەینەوە

دادوەر سالار عەبدولستار وەزیری داد،ئه‌مڕۆ سێشه‌ممه‌، رایگەیاند، وەزارەتەکەی پلانی کردنەوەی کۆمەڵگەی دادوەری لە پارێزگاکان هەیە و 95%ی ئەو پرۆژەیەش لە پارێزگای نەجەف و واست تەواوکراون.

عەبدولستار،بۆ ئاژانسى هه‌واڵى عێراقى(اه‌ع) رایگەیاند، ژمارەیەکی بەرچاو کۆمەڵگەی دادوەری لە پارێزگاکان دەکرێنەوە و لەئێستادا  95%ی پرۆژەی کۆمەڵگەی دادوەری لە پارێزگای نەجەف و واست تەواوکراون.

ئاماژەی بەوەشکردوە، وەزارەتی داد جەخت دەکاتەوە لە تەواوکردنی سەرجەم ئەو پڕۆژانەی دادوەری کە ساڵانێکە بڕیاری دروستکردنیان دراوەو لەئێستادا کارکردن لە زۆرێک لە پرۆژەکاندا بەردەوامی هەیە.