سه‌رۆك به‌رهه‌م جه‌خت لەگرنگی فراوانكردنی ئاسۆی هاریكاری ئێران لە هەردوو كەرتی كارەبا و ئاو دا كرد

الأربعاء 03 حزيران 2020 - 12:42

سه‌رۆك به‌رهه‌م جه‌خت لەگرنگی فراوانكردنی ئاسۆی هاریكاری ئێران  لە هەردوو كەرتی كارەبا و ئاو دا كرد

 به‌غدا-اه‌ع

 
دكتۆر به‌رهه‌م سەرۆك كۆمار، ئەمڕۆ چوار شەممە،جه‌ختى لەگرنگی هەماهەنگی هاوبەش و فراوانكردنی ئاسۆی هاریكاری نێوان عێراق و ئێرانی کرد، بە تایبەت لە هەردوو كەرتی كارەبا و ئاو دا
نوسینگه‌ى ڕاگه‌یاندنى سه‌رۆك كۆمار له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه‌،بڵاویكرده‌وه‌"سەرۆك بەرهەم  لە كۆشكی سەلام لەبەغدا پێشوازیكرد لە رەزا ئاردكانیان وەزیری وزەی ئێران و شاندی هاوڕێی.
لە دیدارەکەدا سەرۆك كۆمار باسی لەگرنگی هەماهەنگی هاوبەش و فراوانكردنی ئاسۆی هاریكاری نێوان عێراق و ئێرانی کرد، بە تایبەت لە هەردوو كەرتی كارەبا و ئاو دا، بەجۆرێک ببێتە مایەی هێنانەدی گەشەسەندن و خۆشگوزەرانی بۆ هەردوو گەلی دراوسێ‌، ھاوکات ئاماژەشیكرد بۆ پێوسیتی خستنەگەڕی هەوڵی زیاتر لە نێوان هەموو لایەك بۆ رێگری لەو دۆخە ئاڵۆزەی كە ناوچەكەی پێدا تێپەر دەبێت‌، تاوەکو سەقامگیری و ئاسایش بۆ گەلانی ناوچەکە بھێنێتە دی.
 
لەلای خۆیەوە وەزیری وەزەی ئێران ئامادەیی وڵاتەكەی نیشاندا بۆ بەردەوامیدان بە هاریكاری و پشتیوانیكردنی عێراق لە تەواوی بوارەكاندا، ھەروەھا ویستی جددی خۆشی نیشاندا بۆ وەبەرهێنان لە بوارەكانی وزە و فراوانكردنی تۆڕەكانی كارەبا و ئاڵوگۆڕكردنی شارەزایی هەدوولادا.
 
هەر لەو دیدارەدا باس لە چۆنیەتی پەرەپێدانی پەیوەندییەكانی هەردوو وڵات كرا لە تەواوی ئاستەكانی خزمەتگوزاری كە لە بەرژەوەندی هەردوولادا بێت.