وەزارەتی تەندروستی هه‌رێم کەرەنتینەکردنی گوندى هۆستان له‌هه‌ولێر رادەگەیەنێت

الثلاثاء 26 أيار 2020 - 22:20

وەزارەتی تەندروستی  هه‌رێم کەرەنتینەکردنی گوندى هۆستان له‌هه‌ولێر رادەگەیەنێت

 هه‌ولێر-اه‌ع

 
وەزارەتی تەندروستی رایگەیاند، دوای دەستنیشانکردنی توشبویەک لە شاری هەولێر، بەهۆی ئەوەی ناوبراو سەردانی  گوندی ھۆستان سەر بە قەزای مێرگەسوری کردوە، بڕیاردراوە بۆ پاراستنی گیانی هاوڵاتیان و دۆزینەوەی بەرکەوتوان ئەو گوندە کەرەنتین دەکرێت.
وەزارەتی تەندروستی هەرێمی کوردستان لە راگەیەنراوێکدا كه‌ده‌ستى ئاژانسى هه‌واڵى عێراقى(اه‌ع)كه‌وتووه‌، ئاماژەی بەوەشکردوە، دوابەدوای دەستنیشانکردنی توشبویەكی دوێنێ بە نەخۆشی ڤایرۆسی کۆڕۆنای نوێ کە دانیشتوی شاری هەولێرە، بەهۆی سەردانی ناوبراو بۆ گوندی ھۆستان سەر بە قەزای مێرگەسور، لەپێناو سەلامەتی هاوڵاتیان و دۆزینەوەی بەرکەوتوان بڕیاردرا بە کەڕەنتین کردنی گوندی هۆستان.
ئەوەش هاتوە، بڕیارەکە بەمەبەستی وەرگرتنی ژمارەیەک نموونەی پشکنین و ڕێکارەکانی خۆپارێزی تەندروستییە.