كازمى وپووتین داوا له‌یه‌كتر ده‌كه‌ن سه‌ردانى به‌غدا ومۆسكۆ بكه‌ن

الاثنين 25 أيار 2020 - 18:08

كازمى وپووتین داوا له‌یه‌كتر ده‌كه‌ن سه‌ردانى به‌غدا ومۆسكۆ بكه‌ن

 به‌غدا-اه‌ع

 
سەرۆکوەزیرانی عێراق و سەرۆکی رووسیا پەیوەندییەکی تەلەفۆنی ئەنجامدەدەن و بەهێزکردنی پەیوەندییەکانی نێوان هەردوو وڵات، سەقامگیری نرخی نەوت و دۆخی سووریا تاوتوێدەکەن.
نووسینگەی سەرۆکوەزیرانی عێراق له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه‌، بڵاویکردەوە، مستەفا کازمی پەیوەندییەکی تەلەفۆنی لە سەرۆکی رووسیاوە پێگەیشتووە، پەرەپێدانی پەیوەندییەکانی نێوان هەردوو وڵات و دۆخی ئابوورییان تاوتوێکردووە. سەرۆکی رووسیا پیرۆزبایی لە کازمی کردووە بەبۆنەی وەرگرتنی پۆستی سەرۆکایەتی حکومەت و هاتنەوەی جەژنی رەمەزان، گفتوگۆیان کردووە لەبارەی بەهێزکردنی پەیوەندییەکان و دۆخی ناوچەکە و دابەزینی نرخی نەوت و کاریگەرییەکانی و رێککەوتنی ئۆپێک پڵەس و پەتای کۆرۆنا و دۆخی ئەمنی لە عێراق  و سووریا.
وەک لە راگەیێندراوەکەدا هاتووە، پووتین خواستی وڵاتەکەی دەربڕیووە لە پەرەپێدانی پەیوەندییە دووقۆڵییەکانی نێوان رووسیا و عێراق و لە هەموو بوارەکانی ئابووری، بازرگانی، وزە، وەبەرهێنان و وزەی کارەبا.
لای خۆیەوە کازمی دووپاتیکردووەتەوە، حکومەتەکەی گرنگی دەدات بەبەهێزکردنی پەیوەندییەکانی لەگەڵ رووسیا و داوای لە کۆمپانیا رووسییەکان کرد بێنە عێراق و لەسەرجەم بوارەکاندا وەبەرهێنان بکەن.
سەرۆکی رووسیا داوای لە سەرۆکوەزیرانی عێراق کرد سەردانی رووسیا بکات، بەهەمان شێوە مستەفا کازمی داوای لە پووتین کرد سەردانی بەغدا بکات.