ئەنجوومەنی وەزیران ڕه‌تیكرده‌وه سیستمی ئێستاى مووچە بگۆڕدرێت
ناوخۆ
- 20-04-2020, 00:00
به‌غدا-اه‌ع
ئەمینداریەتیی گشتیی ئەنجوومەنی وەزیران، ئەمڕۆ دووشەممە، چەند لێدوانێکی دژبەیەکی تایبەت بە گۆڕانی سیستمی مووچەی ئێستا، و پاشەکەوت ناچاری و کەمکردنەوەی مووچەی فەرمانبەرانی ڕەتکردەوە.
بەپێی ڕاگەیەندراوێکى ئەمینداریەتیی گشتیی ئەنجوومەنی وەزیران كه‌ده‌ستى ئاژانسى هه‌واڵى عێراقى(اه‌ع)كه‌وتووه، بڵاوکراوەتەوە،"ئەمینداریەتیی گشتیی ئەنجوومەنی وەزیران داوا لە هەموو کەناڵەکانی ڕاگەیاندن و ماڵپەڕە هەواڵییەکان دەکات پشت بە هیچ هەواڵ و ڕاگەیەندراو و لێدوانێکی میدیایی نەبەستن و ماماڵەی لەگەڵ نەکەن".
ئەمینداریەتیی گشتیی ئەنجوومەنی وەزیران، داواشی لە کەناڵە میدیاییەکان و ماڵپەڕە هەواڵییەکان کردووە کە تەنها لەڕێگەی پەیوەندیی فەرمییەوە لەگەڵ ئەمینداریەتیی گشتیی ئەنجوومەنی وەزیران ڕاگەیەندراو و لێدوان بڵاوبکەنەوە، ئەوەش لەڕێگەی ماڵپەڕی فەرمی یان پەیجی باوەڕپێکراوی ئەمینداریەتییەکە لە فەیسبوک.
