سەرۆک كۆمار بۆ پۆمپیۆ جەختی لە پێویستی رێزگرتن لە بڕیاری سەربەخۆیی عێراقى كردۆته‌وه‌

السبت 18 كانون ثاني 2020 - 00:26

سەرۆک كۆمار بۆ پۆمپیۆ جەختی لە پێویستی رێزگرتن لە بڕیاری سەربەخۆیی عێراقى كردۆته‌وه‌

 به‌غدا-اه‌ع

 
سەرۆک كۆمار و وەزیری دەرەوەی ئەمریکا پەیوەندی تەلەفۆنیان ئەنجامداو دوا پێشهاتە ئەمنی و سیاسییەکانی ناوچەکەو جیهان تاوتوێ کرا، ھاوکات جەختیشکرایەوە، لە پێویستی پاراستنی سەروەری عێراق و رێزگرتن لە بڕیاری سەربەخۆیی نیشتمانی. 
نوسینگەی راگەیاندنی سەرۆکایەتی کۆمار له‌ ڕاگه‌یه‌ندراوێكدا كه‌ده‌ستى (اه‌ع) كه‌وتووه‌ بڵاویکردەوە:بەرهەم ساڵح سه‌رۆك كۆمار پەیوەندییەکی تەلەفۆنی لە مایک پۆمپیۆ، وەزیری دەرەوەی ویلایەتە یەکگرتوەکانی ئەمریکا پێگەیشت، باس لە دوا پێشهاتە ئەمنی و سیاسییەکانی ناوچەکەو جیهان کرا، ھاوکات جەختیشکرایەوە، لە پێویستی پاراستنی سەروەری عێراق و رێزگرتن لە بڕیاری سەربەخۆیی نیشتمانی. 
ئاماژە بەوەشکراوە، ھەر لە پەیوەندییە تەلەفۆنییەکەدا، ئاماژە کرا بە پێویستی هێورکردنەوەی دۆخەکەو دانبەخۆداگرتن لە رێگای گفتوگۆی بونیادنەر بۆ چارەسەرکردنی قەیرانەکان، بەجۆرێک ببێتە بنەمای ئارامی و سەقامگیری لە ناوچەکەو جیهاندا.
 
لە راگەیەندراوەکەدا ئەوەش خراتەوڕو، ھەروەھا تاوتوێی هاریکاری و هەماهەنگی هاوبەش کرا بۆ روبەڕوبونەوەی داعش و رێگانەدان بە دوبارە خۆڕێکخستنەوەی تیرۆریستان و دروستکردنی مەترسی بۆ سەر ئاسایش و ئارامی ناوچەکەو جیهان.