سەرۆک بەرهەم لەگەڵ باڵیۆزانی بەریتانیا و ئەڵمانیا و فەرەنسا كۆبوەوە

الخميس 09 كانون ثاني 2020 - 14:58

سەرۆک بەرهەم لەگەڵ باڵیۆزانی بەریتانیا و ئەڵمانیا و فەرەنسا كۆبوەوە

 به‌غداد-اه‌ع

 
سەرۆک کۆمار د. به‌رهه‌م ساڵح ئه‌مڕۆ ،پێنج شه‌ممه‌،پێشوازیکرد لە ھەریەک لە باڵیۆزی بەریتانیا  و ئەڵمانیا و فەرەنسا  لە عێراق.
 
نوسینگەی سەرۆكایەتی كۆماری عێراق لە راگەیەندراوێكیدا كە وێنەیەكی دەستى ئاژانسى هه‌واڵى عێراقیه‌(اه‌ع) كەوتوە بڵاویكردەوە "لەدیدارەکەدا باس لەو هەوڵانە کرا کە دەدرێن بۆ چارەسەرکردنی قەیرانەکانی ئێستا و هێورکردنەوە دۆخەکە و دانبەخۆداگرتن، ھەروەھا دووپاتکرایەوە لە پێویستی پاراستنی سەروەری نیشتمانی و ئاسایش و سەقامگیری عێراق". 
لەلای خۆیانەوە ھەریەک لە باڵیۆزی بەریتانیا و ئەڵمانیا و فەرەنسا جەختیان لە پشیتوانی وڵاتەکانیان بۆ سەروەری و ئاسایشی عێراق کردەوە، ھاوکات دوپاتیان لە گرنگی بەردەوامی کاری هاوبەش لە نێوان گشت لایەنەکان کردەوە لە پێناو ھێنانەدی لێکگەیشتن و ئاشتی لە ناوچەکە و جیهاندا.