ساڵح بۆ غوتیرس جه‌خت له‌دووركه‌وتنه‌وه‌ لە ناكۆكی و کرژی و ململانێکان ده‌كاته‌وه‌.

الثلاثاء 07 كانون ثاني 2020 - 21:55

 ساڵح بۆ غوتیرس جه‌خت له‌دووركه‌وتنه‌وه‌ لە ناكۆكی و کرژی و ململانێکان ده‌كاته‌وه‌.

 

 
به‌غدا-اه‌ع
 
به‌رهه‌م ساڵح سەرۆك كۆمار، ئه‌مڕۆ سێشه‌ممه‌، جەختی لەوەكردەوە كە عێراق ببێتە گۆڕەپان و ناوەندێك بۆ سازان و ئاشتی ئقلیمی و نێودەوڵەتی،كه‌چى ئەنتۆنیۆ غوتیرس سكرتێری گشتی نەتەوە یەكگرتووەكان نونیگەرانی قوڵی خۆشی نیشاندا لەپای پەرەسەندنی گرژییەكان كە هەڕەشە دروست دەکات بۆ سەر ئاسایش و ئاشتی نێودەوڵەتی.
نوسینگه‌ى سه‌رۆك كۆمار له‌ڕاگه‌یه‌ندراوێكدا كه‌ده‌ستى(اه‌ع)كه‌وتووه‌ ڕایگه‌یاند"بەرهەم ساڵح سەرۆك كۆمار پەیوەندییەكی تەلەفۆنی لە ئەنتۆنیۆ غوتیرس سكرتێری گشتی نەتەوە یەكگرتووەكان پێگەیشت،لەو پەیوەندییە تەلەفۆنییەدا دواین گۆرانكاری و پێشهاتە هه‌رێمایه‌تى و نێودەوڵەتییەكان و هەڵوێستی كۆمەڵگەی نێودەوڵەتی لەو بارەیەوە تاوتوێكرا.
به‌پێ ڕاگه‌یه‌ندراوه‌كه‌ سەرۆك كۆمار سوپاس و پێزانینی خۆی دەربڕی بۆ سكرتێری گشتی نەتەوە یەکگرتووەکان بۆ پەیوەندییە تەلەفونییەكەی و سوربوونی لەسەر ئاسایش و سەلامەتی عێراق.
سەرۆك كۆمار جەختی لەوەشكردەوە كە عێراق ببێتە گۆڕەپان و ناوەندێك بۆ سازان و ئاشتی هه‌رێمى و نێودەوڵەتی، ھەروەھا دوور بێت لە ناكۆكی و کرژی و ململانێکان.
لاى خۆیه‌وه‌ سكرتێری گشتی نەتەوە یەكگرتووەكان دووپاتیكردەوە لەسەر سوربوونی رێکخراوی نەتەوە یەکگرتووەکان بۆ پاڵپشتیكردنی سەقامگیری و پارێزگاری لە سەروەری عێراق، ھاوکات نیگەرانی قوڵی خۆشی نیشاندا لەپای پەرەسەندنی گرژییەكان كە هەڕەشە دروست دەکات بۆ سەر ئاسایش و ئاشتی نێودەوڵەتی، جەختیشیكردەوە لە پێویستی دان بەخۆداگرتن و پەنابردنە بەر  زمانی عەقڵ بۆ چارەسەركردنی قەیرانەكان.