سۆپاى پاسداران ناوه‌ڕۆكى نامه‌كه‌ى ئه‌مریكا ئاشكرا ده‌كات

السبت 04 كانون ثاني 2020 - 10:20

سۆپاى پاسداران ناوه‌ڕۆكى نامه‌كه‌ى ئه‌مریكا ئاشكرا ده‌كات

 چاودێرى-اه‌ع

 
جێگری فەرماندەیی سوپای پاسدارانی ئێران رایگەیاند، واشنتۆن لەو نامەیەدا کە لە رێگەی سویسراوە ئاڕاستەی کردون داوای کردوە کە نابێت "کاردانەوەی ئێران لە ئاستی کوژرانی سولەیمانی زیاتر بێت"، دەشڵێت واشنتۆن ناتوانێت شێواز و ئاستی کاردانەوەکانی ئێران دیاریبکات.
عەلی فەدەوی جێگری فەرماندەیی سوپای پاسدارانی ئێران لە لێدوانێکی رۆژنامەنوسیدا ئاماژەی بەوەشكردوە، "نامە فەڕمییەکەی ئەمریکا داوا دەکات کە کاردانەوەی ئێران نابێت لە ئاستی تۆڵەسەندنەوە لە کوژرانی قاسم سولەیمانی زیاتر تێپەڕێت".
ئەوەشی خستوەتەڕو، "واشنتۆن ناتوانێت شێواز و چۆنییەتی کاردانەوەی ئێران بەرامبەر کوژرانی سولەیمانی دیاریبکات، شارەزایان دەزانن کە تاوانەکەی ئەمریکا خاڵییە لە هەمو بەهایەکی ئاسایشی، هەمو لایەکیش دەزانن کە جوڵەکانی سولەیمانی بە نهێنی نەبوە".
 
ئەوە لە کاتێکدایە دوێنێ وەزارەتی دەرەوەی سویسرا رایگەیاند، یەکێک لە دبلۆماتکارەکانیان نامەیەکی فەرمی ئەمریکای بۆ دەسەڵاتدارانی ئێرانی بردوە، کە پەیوەندی بە کوژرانی قاسم سولەیمانییەوە هەبوە.