مەسروور بارزانی 425 ملیۆن دۆلار بۆ ئاوەدانکردنەوەی کوردستان خەرجدەکات

الخميس 17 تشرين أول 2019 - 14:32

مەسروور بارزانی 425 ملیۆن دۆلار بۆ ئاوەدانکردنەوەی کوردستان خەرجدەکات
 
 هه‌ولێر - ا ه ع
مەسروور بارزانی، سەرۆکی حکومەتی هەرێمی کوردستان بڕیاریدا بڕی 425 ملیۆن دۆلار بۆ بنیاتنان و گەشەپێدانی ژێرخانی ئابووری هەرێمی کوردستان خەرجدەکات. 
 
بەپێی راگەیێندراوی حکومەتی هەرێمی کوردستان، سەرۆکی حکومەتی هەرێمی کوردستان ئەو بڕە پارەیە بەتایبەتی بۆ بوارەکانی رێگەوبان، سایلۆ، کارەبا و ئاو و ئاوەڕۆ دەبێت و پرۆژەکانیش بە چەند قۆناخێک ئەنجامدەدرێن. 
 
پرۆژەکان لە سەرتاسەری هەرێمی کوردستان دەبێت و لەو رێگەیەشەوە هەزاران دەرفەتی کار دەرەخسێندرێت.
 
هەر لە چوارچێوەی ئەو پرۆژانەدا، ئەمڕۆ پێنجشەممە كاژێر 03:30 خوولەکی ئێوارە، بە ئامادەبوونی مەسروور بارزانی سەرۆکی حکومەتی ھەرێمی کوردستان بەردی بناخە و دەستپێکردنی پرۆژەی ئەندەرپاسەکانی شەقامی بارزان لە شاری دھۆک دادەنرێت، سەرۆکی حکومەتی هەرێمی کوردستانیش گوتارێک پێشکەشدەکات.