سەرۆك كۆمار بروسكەیەكی ماتەمی لە سه‌رۆكی سوریا پێ گەیشت

الجمعة 22 آذار 2019 - 21:54

سەرۆك كۆمار بروسكەیەكی ماتەمی لە سه‌رۆكی سوریا پێ گەیشت

سەرۆك كۆمار د. بەرهەم ساڵح ئەمرۆ هەینی ٢٢|٣|٢٠١٩ بروسكەیەكی ماتەمی لە بەشار ئەسەد سەرۆكی سوریا پێ گەیشت بۆ كارەساتی ژێرئاوکەوتنی بەلەمی گواستنەوەی ھاوڵاتیان لە روباری دیجلە. 

ئەمەش دەقی بروسكەكەیە:

فەخامەتی سەرۆك بەرهەم ساڵح 
سەرۆك كۆماری عێراق

خەم و په‌ژاره‌یه‌كی زۆر دایگرتین بۆ كارەساتەكەی شاری موسڵ كە بەهۆی  ژێر ئاو کەوتنی بەلەمێک لە ڕوباری دیجلە  دەیان كەس بوونتە قوربانی.

بە ناوی خۆم و گەلی سوریای عەرەبی ماتەم و خه‌می خۆمان دەگەیەنین بە ئێوە و گەلی عێراق و خانەوادەی قوربانییەكان، داواكارین لە پەروەردگاری مەزن قوربانیانی ئەم رووداوە خەمگینە بەر رەحمەت و بەزەیی خۆی بكات و ئارامی و سه‌بووریش بە كەسوكاریان ببەخشێت و عێراق لە خراپەكاری بپارێزێت.


بەشار ئەسەد
سەرۆك كۆماری عەرەبی سوری