سەرۆك كۆمار داوای تێپەڕاندنی ناكۆكیە سیاسیەكان دەوكات

الثلاثاء 19 شباط 2019 - 16:02

سەرۆك كۆمار داوای تێپەڕاندنی ناكۆكیە سیاسیەكان دەوكات

سه‌رۆك كۆمار د. بەرھەم ساڵح ئه‌مڕۆ سێ شه‌ممه‌ ٢٠١٩/٢/١٩ له‌ كۆشكى سه‌لام له‌ به‌غدا پێشوزایكرد له‌ مه‌حمود مه‌شهه‌دانى سه‌رۆكى پێشووتری ئه‌نجومه‌نى نوێنه‌رانى عێراق.

لەو دیدارەدا باس له‌ پێویستى تێپه‌ڕاندنى ناكۆكییه‌ سیاسییه‌كانى نێوان لایه‌نه‌کان کرا به‌پشت به‌ستن به‌ گفتوگۆ و لێكتێگه‌یشتن بۆ به‌دیهێنانى ئارامی و ئاسایش و زه‌مینه‌ خۆشکردن بۆ جێبه‌جێکردنی کارنامه‌ی حکومه‌ت به‌ شێوه‌یه‌ک که‌ خزمه‌تگوزاری پێویست پێشکه‌شی هاووڵاتیان بکرێت.

هه‌ر له‌و دیداره‌دا مه‌شهه‌دانى رۆڵ و هه‌وڵى به‌رچاوى سه‌رۆك كۆمارى به‌رزنرخاند له‌ پته‌وكردنى پێگه‌ى عێراق له‌ رووى سیاسیه‌وه‌ هه‌روەها ئاماژه‌ی به‌ رۆڵی سه‌رۆک کۆمار کرد له‌ هه‌وڵه‌کانی بۆ كرانه‌وه‌ى عێراق به‌رووى وڵاتانى دراوسێ و جیهاندا.