تەمیمی ئەو دەنگۆیانە ڕەتدەكاتەوە كەلەسەر وەزارەتی بەرگری بڵاوبونەتەوە و دەخوازێت دكتۆر ئەیاد عەلاوی ئەو پۆستە وەربگرێت

السبت 10 تشرين ثاني 2018 - 10:37

تەمیمی ئەو دەنگۆیانە ڕەتدەكاتەوە كەلەسەر وەزارەتی بەرگری بڵاوبونەتەوە و دەخوازێت دكتۆر ئەیاد عەلاوی ئەو پۆستە وەربگرێت

بەغداد-ا ه ع
دكتۆرە سەباح تەمیمی لە ئیئتلافی نیشتمانی ئەو دەنگۆیانە ڕەتدەكاتەوە دەربارەی بەربژاركردنی وەزیری بەرگری بەرامبەر پێدانی پارەیەكی خەیاڵی و زەبەلاح لە لیستەكەیاندا و هیوادارە كە دكتۆر ئەیاد عەلاوی ئەو پۆستە وەربگرێت بۆ كۆتاییهاتنی ئەو پڕوپاگەندانە.
دكتۆرە تەمیمی لە بەیاننامەیەكدا داوای لە ڕاگەیاندن و چالاكوانانی تۆڕە كۆمەڵایەتیەكان و كەسایەتی كۆمەڵگە كرد كە گوێ بەو لەشكرە ئەلكترۆنیە نەدەن كە هەوڵ دەدەن لیستی نیشتمانی ناشرین بكەن لەڕێی جوڵاندنی ڕەئی گشتی بە باسكردنی كڕین و فرۆشتنی پۆستەكان.
تەئكیدیشی كردەوە لیستی نیشتمانی و سەرۆكەكەی ئەیاد عەلاوی لەوە گەورەتر و پاكترە لە تێوەگلانی لەو بابەتە كە كاریگەری لەناو و ناوبانگ و مێژوی ئیئتلافی نیشتمانی دەكات كەهەموانی لە ژێر چەتری عێراقدا كۆكردۆتەوە.
تەمیمی هیوای خواست دكتۆر ئەیاد عەلاوی ئەو پۆستە وەربگرێت بۆ ئەوەی هەموو ئەودەنگۆیانە كۆتایی پێبێنێت.