دەست بەسەر 39 بۆمبی چێندراو لە نەینەوا و ئەنبار دا دەگیرێت

الأربعاء 31 تشرين أول 2018 - 18:41

دەست بەسەر 39 بۆمبی چێندراو لە نەینەوا و ئەنبار دا دەگیرێت

بەغداد-ا ه ع
عەمید یەحیا رەسول وتەبێژی سەنتەری ڕاگەیاندنی ئەمنی ئەمڕۆ چوارشەممە ڕایگەیاند هێزێكی فەرماندەی ئۆپەڕاسیۆنەكانی نەینەوا و ئۆپەڕاسیۆنی ئەنبار دەستیان بەسەر 39 بۆمبی چێندراودا لەچەند ناوچەیەكی جیاجیای نەینەوا و ئەنبار دا گرتووە.
عەمید یحیا ڕەسوڵ وتەبێژی سەنتەری ڕاگەیاندنی ئەمنی لەبەیاننامەیەكدا كە وێنەیەكی دەست ئاژانسی هەواڵی عێراقییە(ا ه ع)كەوتووە ڕایگەیاند: هێزێكی فەرماندەی ئۆپەڕاسیۆنەكانی نەینەوا دەستیان گرتووە بەسەر 5بۆمبی چێندراو لە گوندی عومەر بەندان و بێ زیان تەقێنراونەتەوە هێزێكی تر دەستیان گرتووە بەسەر 5بۆمبی چێندراوی تردا لە گوندی شندوخا و بێ زیان لەناوبراون.
هەروەها لەوبەیاننامەیەدا هاتووە: فەرماندەی ئۆپەڕاسیونەكانی ئەنبار لەناوچەی حمێرە لە كاتی ئەنجامدانی ئەركی خۆیدا دەستیان گرتووە بەسەر 10بۆمبی جۆراوجۆردا هەروەها 9بۆمبی چێندراوی تر لەسەر شێوازی جلیكانە لە هەڵمەتێكی ئەمنیشدا لەباشوری دەریاچەی حەبانیە دۆزرانەوە هەروەها 31بۆمبی دەستكردی ناوخۆیی لە ناوچەی ئەلبو حەسەن تەقێندرانەوە و دەستیش بەسەر 10 بۆمبی تری چێندراودا لە كاتی پاككردنەوەی زەویەكی كشتوكاڵیدا لە ناوچەی كرابلە گیرا و لەوناوبران.